2009 年 10 月 17 - 18 日
我同峰去0左大嶼山長沙玩，享受秋天前的陽光與海灘，並且可以暫時放低峰新屋的事。為0左搬屋，我地唔知幾耐無去過街啦~~~
一早咪咪磨磨的我, 慢慢化妝換衫出門口，但都meet 到我地的target 時間到東涌呀! 去到東涌食個lunch 先(明明諗住唔食lunch!!! 食完我個肚腩咪會走出來law! 點著游衣喎 >.<!)，之後我地買埋野飲，就上貴貴的大嶼山巴士向長沙出發。事情就係呢個時候發生，話說長沙果間"海邊小屋" 的網頁寫住 30分鐘先會到長沙，咁一早起身的我，上到巴士of coz 眠一眠先。30 分鐘後，見時間差唔多，峰就去問司機長沙到未，司機竟然答: 過0左好耐啦! 你地坐到去總站大澳玩下啦! =.= 無方向感兼無坐車緣的我倆，又發生呢d 不幸的事........... 所以我0地為峰的媽媽帶來了蝦醬手信2樽!
响大澳玩之後，我地坐返原車又向長沙出發，今次坐係車頭，順利到達啦!
長沙沙灘真的好靚呀! d 沙好幼, 水都ok! 仲有呀，全個沙灘都係鬼佬，可以話得士多，同海邊小屋的老闆係香港人，連沙灘上的餐廳都係坐滿鬼佬加埋英文menu! 所以好有旅遊feel!
一去到，我地就趁日落前玩0左衝浪板同獨木舟。因為無乜浪，衝浪板成為0左我地的浮板，哈哈! 而因為峰玩過獨木舟，佢識點划，所以我地玩得好開心。(我唔係好識划，所以都係靠峰，我唔駛點出力) 夜晚我地當然去隔離的南非餐廳食南非菜啦!
食完飯都只不過係8點，仲好早，諗住返房睇一早預備好的HEROES Drama。點知.............有人漏0左張memory 卡...........唉，對住個黑麻麻的沙灘，附近乜都無，時間又早........我地唯一可以做的係........係lobby 度睇澳門小姐啦!
第二日，我一早就起0左身! 打開隻窗一望! wah~~~~ 好靚呀! 尋日熱鬧的沙灘，now 非常平靜，聽到d 海浪聲，啪啪啪~~~ 好浪漫又舒服呀! 可惜峰仲訓緊覺呀........但一個人望住咁的景色，都非常浪漫! 我忍唔住起0左身，落0左沙灘行下，早上的沙灘，沒有人, 只有狗在散步, 好寫意呀~~~
等到峰都起埋身，我地係士多食0左個貴貴腸蛋麵後，繼續玩我地的衝浪板同獨木舟......同埋淺灘滑浪板! 哈，因為我地的房租包我地玩呢3 樣野only，其他野係要額外俾錢的~ 我地又唔識玩, 所以都係keep 住玩返呢幾樣啦! 今日有浪呀! 我衝到3次浪呀! 好好玩 (請大家唔好誤會，唔係你地諗企係身果隻呀!) 仲有，今日我大胆好多, 我地划到隻獨木舟去好遠好遠的地方! 仲差d 撞到鬼佬的滑浪風帆tim!
長沙的沙灘主要係外國人，所以比較寧靜，又有外國feel
另外沙灘有好多狗呀! 好多人都帶埋狗仔一齊去swim 的! 鐘意狗的我地, 當然好開心~
好耐無去過海灘的我，唔知道原來海水含鹽量真係咁高! 上水後，哂一哂, 成身都有白色的粉末，原來係鹽來的! :p~
可惜係，因為太哂啦! 一上水我就立刻返入shop 度，都無時間係沙灘漫步，or 玩下沙!
期待布吉之旅! 倒數: 4個月
